لا صار بعض البوح عند البشر عار

الصمت له عندي معزة ومقدار
في زحمة الافواه .. يا مزين الصمت !!


لا صار بعض البوح عند البشر عار
لو يشتعل جوفي حشى ما تكلّمت


تعبت من قولة : (علامك) و وش صار ؟
وان طحت ما ألقى غير كلمات ( سلٌمت )


واعذارً اخلقها ولو مالي اعذار
مشّيتها مره .. ومرات ما رمت !!


كذبة صباح الخير.. يا صبح الانوار
عذري ليا عدّت ليالي ولا نمت



اسهر طوال الليل وضْيوفي افكار
واقول لاْصحابي : نعم توّني قمت !!



ما عاد فيني ألفت عْيون واْنظار
يكفي بأني من زماني تعلّمت



ان الصدر بيتٍ .. وسكّانه اسرار
نيّام .. بس يصحون لامن تألّمت



يصحون ويناظرهم الجار والمار
وش عاد ينفع سترهم لو تكتّمت ؟!!



آقدّم اقدامي على درب الاصرار
وامشي ولكن للأسف ما تقدّمت



النار قدامي .. ومن خلفي النار !!
والعمر يمضي بي وانا ما تولّمت



الين ذاك الحلم في لحظه انهار
وانا على لحظة سقوطه تحطّمت



اجروحي اكثار.. وتناهيدي اكثار
لكن على كثر المواجع .. تبسّمت !!



ثم أْلتزمت الصمت واعزومي اكبار
ولو يشتعل جوفي حشى ما تكلّمت .







منقول

 

 

جروحي كثار..وتناهيدي كثار
لكن على كثر المواجع .. تبسّمت !!



ثم أْلتزمت الصمت وعزومي اكبار
ولو يشتعل جوفي حشى ما تكلّمت



جميله ها البيتين في نظري

بيض الله وجهك اخوي هيبة ملك

 

 

ابيات رائعه ومعبره سلمت يداك

 

 

الله الله عـ النقل الرووعه ..

تسلم آخووي

يعطيك العافيــه

 

 

لكن على كثر المواجع .. تبسّمت !!



ثم أْلتزمت الصمت وعزومي اكبار



اكتفيت بشطر البيت الاخير من البيت ماقبل الاخير


وشطر البيت الاول من البيت الاخير


اعتذر لكاتب القصيدهـ ..

هيبة ملكـ هذهـ عادة الكبار حضورهم بحجمهم

منقول رائع تشكر عليه

 

 

منيع الله السلاهبي

عيونك آخر امالي

الديحانية

أبو فائز

شاكر لكم إطلالتكم المميزه و الراقية

كونوا هنا دائماً

 

 

لا صار بعض البوح عند البشر عار
لو يشتعل جوفي حشى ما تكلّمت

سلمت يداك

هيبة ملك طرحك رايع وجميل

لك تحيااااتي وأحتراااامي

دمت بووود

 

 

مجموعة إنسان

شاكر لك إطلالتك

مرور أكثر من رائع